Qazaqstanda jyl saıyn 11,8 mln qusqa vaktsına salynady – QR AShM

NUR-SULTAN. QazAqparat - Qus tumaýynyń aldyn alý Veterınarııalyq baqylaý jáne qadaǵalaý komıtetiniń erekshe baqylaýynda, dep habarlaıdy QazAqparat QR Aýyl sharýashylyǵy mınstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, Qazaqstanda qus tumaýy men janýarlardyń basqa da juqpaly aýrýlarynyń aldyn alý muqııat qadaǵalanýda. Statıstıka derekteri boıynsha Qazaqstanda shamamen 43,6 mln bas qus bar. Olardyń 11,8 mln-ǵa jýyǵy jeke azamattardyń qolynda bolsa, qalǵany syrtqy ortamen baılanysy joq qus fabrıkalarynda baǵylyp jatyr.

11,8 mln qusqa jyl saıyn tıisti qarjy bólinip, vaktsına salynady. ıAǵnı, aýrýdyń aldyn alý is-sharalary ýaqytynda júrgiziledi.

Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıteti joǵary patogendi qus tumaýy tarap ketpeýi úshin monıtorıngtik baqylaý júrgizip otyrady.

Sondaı-aq, veterınarlyq qyzmet kórshi memleketterdegi epızootııalyq jaǵdaıdy muqııat qadaǵalaıdy jáne ol jaqta janýarlar aýrýynyń oshaqtary paıda bolǵan jaǵdaıda jedel sharalar qabyldaıdy.

Qazirgi ýaqytta Qazaqstanda janýarlar aýrýlarynyń 45 túri boıynsha epızootııalyq jaǵdaı turaqty. Al 23 túri boıynsha dıagnostıka jáne vaktsına salý arnaıy veterınarııalyq-profılaktıkalyq is-sharalar júrgizilýde.

Atap aıtqanda, janýarlar men qustardy vaktsınalaý boıynsha 151 mıllıonnan astam manıpýlıatsııa, sondaı-aq 68 mıllıonnan astam dıagnostıkalyq zertteýler júrgizý josparlanýda.