Qazaqstanda jyl saıyn 100-ge jýyq balanyń ólimi sýdan bolady
NUR-SULTAN. QazAqparat - Qazaqstanda bir jylda 100-ge jýyq bala sýǵa ketip, kóz jumady. Bul týraly búgin Óńirlik kommýnıkatsııalar qyzmetinde ótken baspasóz máslıhatynda QR Іshki ister mınıstriniń orynbasary ıÝrıı Ilın aıtty, dep habarlaıdy QazAqparat tilshisi.
Vedomstvo sýdaǵy qaıǵyly jaǵdaılardyń aldyn alý úshin balalardy júzýge úıretýdiń keshendi sharalaryn qolǵa almaqshy.
«Neǵurlym kóp balaǵa júzýdi úıretsek, sýǵa ketý jaǵdaılary da soǵurlym azaıady. Balalardyń sýǵa ketýi kóbinese ata-ananyń qaraýsyz qaldyrýynan bolady. Tipti, adam batatyndaı sý bolmaǵan jerde de bala ólimi tirkelip jatyr. Jýyqta ǵana bir bala aryqqa qulap kóz jumsa, 2017 jyly bir sábı aýlada turǵan ydystaǵy sýǵa tunshyqqan», - deıdi ıÝrıı Ilın.
Mınıstr orynbasarynyń aıtýynsha, eń kóp bala ólimi Túrkistan oblysynda tirkelgen.
«Ókinishke qaraı, atalmysh óńirde qaraly sandar ósip keledi. Almaty, Atyraý, Shyǵys Qazaqstan, Jambyl, Aqtóbe jáne Qyzylorda oblystarynda da bala ólimi jıi tirkeledi», - dedi ol.
Atap ótilgendeı, elimizde 107 qalalyq jáne 500 jekemenshik jaǵajaı belgilengen. Al shomylýǵa bolmaıtyn 1 myńnan astam oryn anyqtalyp, olarǵa 1510 eskertý belgisi, 378 kórneki stend ilingen.
«Kórneki aqparattardaǵy qaıǵyly oqıǵalar týraly derekter shomylýshylarǵa oı salady dep úmittenemiz», - dedi vıtse-mınıstr.
