Qazaqstanda jyl basynan sheteldik jumys kúshin tartýǵa 30 myńǵa jýyq ruqsatnama berilgen
Olardyń ishinde 1716-sy birinshi sanat (jetekshiler men olardyń orynbasarlary), 5550 - ekinshi sanat (qurylymdyq bólimshelerdiń jetekshileri) boıynsha berilgen. ShJK tartýǵa ruqsattyń basym kópshiligi úshinshi (mamandar) - 13382 jáne tórtinshi (bilikti jumysshylar) sanattar boıynsha - 6934, maýsymdyq jumys boıynsha - 1876 berildi.
Qazirgi ýaqytta Qazaqstanda ShJK paıdalanatyn 3672 jumys berýshi bar. Olarda 465 myńǵa jýyq Qazaqstan azamaty eńbek etedi, ıaǵnı jalpy jumyskerleri sanynyń 93,7% quraıdy.
Eńbek mıgranttary shyǵatyn negizgi elder: Qytaı - 11 713 adam, Túrkııa - 3 302, Ózbekstan- 3 012, Ulybrıtanııa - 1 490, Úndistan - 1 274 jáne t.b. bolyp esepteledi.
Eske sala keteıik, ishki eńbek naryǵyn qorǵaý maqsatynda QR Úkimeti jyl saıyn respýblıkaǵa shetel mamandaryn tartýǵa kvota belgilep otyrady. 2016 jyly respýblıkanyń ekonomıkalyq belsendi turǵyndaryna shaqqanda (63,1 myń adamǵa jýyq) ShJK tartý kvotasy 0,7% mólsherinde belgilendi.