Qazaqstanda jyl basynan beri júzden astam adam poıyz astyna túsken
Jyl basynan beri kóliktegi polıtseıler poıyzdy shuǵyl toqtatýǵa qatysty 2 482 fakti tirkedi. Onyń ishinde temirjolda adamdardyń bolýyna baılanysty – 504, maldyń júrýine baılanysty – 1 884 jaǵdaı anyqtalǵan.
«Qostanaı oblysy «Qoıbaǵar-Qusmuryn» ótkeliginde «Almaty-Qostanaı» baǵytyndaǵy jolaýshylar poıyzy 2 jylqyny basyp ketti. Osyǵan baılanysty maldyń ıesine QR Ákimshilik quqyq buzýshylyq kodeksiniń 559-baby 1-bóligi (Temirjol arqyly minis maldy jáne tabyndy aıdap ótý, temirjoldardyń bólingen jolaǵynda mal jaıý qaǵıdalaryn buzý) boıynsha ákimshilik hattama toltyrylyp, 5 AEK (14 585 teńge) kóleminde aıyppul salyndy. Poıyz 45 mınýt boıy turyp qaldy», - dedi Kóliktegi PD bastyǵy Ońal Bekıev.
Onyń aıtýynsha, eseptik kezeńde belgilengen jerlerde temirjoldy kesip ótkeni úshin 25 112 adam jaýapqa tartylǵan.
«Osy jyldyń 11 aıynda elde 108 azamat poıyz astyna túsken, olardyń jartysynan kóbi mert boldy», - dep atap ótti.
«Temirjol eń qaýipti aımaq bolyp sanalady. Ár azamat temirjol aımaǵynda júrý erejesin bilýi tıis. Bizdiń, sondaı-aq jaqyndarymyz ben týystarymyzdyń ómiri men densaýlyǵy osyǵan baılanysty. Adam ómirinen mańyzdy eshteńe joq», - dep túıindedi polıtsııa general-maıory.
