Qazaqstanda jyl basynan beri júrgizýshilerdi daıyndaıtyn 958 oqý uıymynda 226 myń adam júrgizýshi kýáligin aldy - QR ІІM JPK
ASTANA. 14 qazan. QazAqparat - 13 qazan kúni Almaty qalasynda QR ІІM Jol polıtsııasy komıtetiniń tóraǵasy Berik Bısenqulovtyń tóraǵalyq etýimen ishki ister organdary jol polıtsııasy bólinisteriniń 2011 jyldyń 9 aıyndaǵy jedel-qyzmettik jumysynyń qorytyndylaryna jáne alǵa qoıǵan mindetterine arnalǵan kóshpeli jedel keńes ótti.
Jol polıtsııasy komıtetiniń (JPK) baspasóz qyzmetinen málim etkendeı, keńeske aýmaqtyq jol polıtsııasy basqarmalarynyń jáne JPB tirkeý-emtıhan bólinisteriniń basshylary qatysty.
Keńes barysynda JPK-nyń uıymdastyrýshylyq qurylymy qaıta qaraldy, jol polıtsııasy kórsetetin memlekettik qyzmetti ońtaılandyrý boıynsha jumystar júrgizildi, onyń ishinde qyzmet kórsetýdiń elektrondyq nysanyn engizý, kólik quraldaryn basqarý quqyǵyn usyný protsesin jetildirý, «Baqylaý» AAІJ-dy fotobeınetirkeý júıesimen jáne basqalarmen biriktirý jóninde jumystar júrgizildi.
JPK tóraǵasy Berik Bısenqulov, óz baıandamasynda kólik quraldary sanynyń ósýi jáne qozǵalystyń kúrdelenýi kólik júrgizýshilerin daıyndaýda talaptardy arttyratynyn atap ótti. Jyl basynan beri bir jylǵa deıingi ótili bar kólik quraldaryn basqarǵan júrgizýshilerdiń kinásinen 362 JKO tirkeldi, onda 73 adam qaıtys bolyp, 447 adam jaraqat aldy. Ótken jyldyń osy kezeńimen salystyrǵanda osyndaı JKO 14,2 %, qaıtys bolǵandar 21,7 % jáne jaraqat alǵandar 8,5 % ósti.
Qazaqstanda búgingi tańda júrgizýshilerdi daıyndaıtyn 958 oqý uıymy bar, onda jyl basynan beri 226 myń adam bilim alyp, júrgizýshi kýálikterin aldy. Júrgizýshi quramyn daıyndaıtyn oqý uıymdaryna asa kóńil bólý kerektigin atap ótý kerek.
Sonymen qatar «Qazaqstan Respýblıkasynyń keıbir zańnamalyq aktilerine ruqsat berý júıelerin jetildirý jóninde ózgerister men tolyqtyrýlar engizý týraly» 2011 jylǵy 15 shildedegi № 461-ІV Zańǵa sáıkes, kólik quraldarynyń júrgizýshilerin daıyndaý, qaıta daıyndaý jónindegi qyzmetti júrgizýge lıtsenzııa túri qysqartylýǵa jatady. Osyǵan baılanysty JPK aýmaqtyq jol polıtsııasy basqarmalarymen jáne oqý uıymdarymen birlese otyryp, júrgizýshilerdi oqytý sapasyna áser etetin tetikti pysyqtaý, júrgizýshilerdi daıyndaıtyn úlgilik baǵdarlamany qaıta qaraý qajet.
Keńes qorytyndysy boıynsha jol polıtsııasy bólinisteri qyzmetiniń tıimdiligin arttyrýǵa jáne odan ári jetildirýge baǵyttalǵan birqatar sheshimder qabyldandy, aldaǵy kezeńge basymdy mindetter aıqyndaldy.
