Qazaqstanda jyl basynan beri et óndirisi 7,8%-ǵa ósti

ASTANA. QazAqparat - Aǵymdaǵy jylǵy 8 aı ishinde mal sharýashylyǵy ónimderiniń jalpy mólsheri 1072,2 mlrd. teńgeni qurady, dep habarlaıdy QR AShM baspasóz qyzmeti.

2015 jyldyń osy kezeńimen salystyrǵanda sharýashylyqtardyń barlyq sanattaǵy óndirisi ulǵaıdy, onyń ishinde, soıys salmaǵy 3,1% (560,2 myń tonna), sút - 3,3% (3 781,3 myń tonna), jumyrtqa - 0,4%-dy (3 185,1 mln. dana) qurady.

Agroqurylymdarda ónim óndirisiniń aıtarlyqtaı ósimi baıqalýda. Aǵymdaǵy jyldyń qańtar-tamyz aıyna deıin et óndirisi - 7,8% (229,7 myń. tonna), sút - 15,8% (843,5 myń. tonna), jumyrtqa - 0,1% (2 289,9 mln. shtýk) artty.

Aıta ketsek, qazirgi tańda Qazaqstan Respýblıkasy Aýyl sharýashylyǵy mınıstrligi AÓK damytý boıynsha JShQ áleýetin paıdalanýda. Atalǵan joba aýyl turǵyndaryn jumyspen qamtýǵa baǵyttalǵan.

3 jyl ishinde (2016-2018 jj) 75 myń adamdy turaqty jumyspen qamtamasyz etý josparlanýda.