Qazaqstanda jyl basynan beri eń tómengi kúnkóris deńgeıi 5,2% artty

NUR-SULTAN. QazAqparat - Qazaqstanda jan basyna shaqqandaǵy kúnkóristiń eń tómengi deńgeıi 2019 jyldyń sáýirinde 27 myń 822 teńgeni qurady, bul ótken aımen salystyrǵanda (naýryzda - 27 405 teńge) 1,5%-ǵa artyq, dep habarlaıdy «QazAqparat» HAA tilshisi QR Ulttyq ekonomıka mınıstrligi Statıstıka komıtetine silteme jasap.

Negizgi azyq-túlik ónimderin tutynýdyń eń tómengi shamasy negizinde eseptelgen jan basyna shaqqandaǵy kúnkóristiń eń tómengi deńgeıiniń shamasy aǵymdaǵy jyldyń sáýir aıynda 2018 jylǵy jeltoqsanmen salystyrǵanda 5,2% ósti, ótken jyldyń sáıkes aıymen salystyrǵanda - 5,6%.

Ótken aıdaǵy kúnkóristiń eń tómengi deńgeıiniń qurylymynda et pen balyqty satyp alýǵa jumsalǵan shyǵystardyń úlesi 20,2%, sút, maı ónimderi men jumyrtqaǵa - 15,9%, jemister men kókónister - 9,1%, nan jáne jarma - 7,6% , qant, shaı jáne dámdeýishter - 2,2%.