Qazaqstanda jyl basynan beri bala joǵalýyna qatysty 110 is qozǵalǵan
NUR-SULTAN. QazAqparat - QR Bas prokýratýrasy 2019 jyldyń basynan bergi balalardyń joǵalýyna qatysty ashylǵan ister týraly málimdedi, dep habarlaıdy QazAqparat tilshisi.
«2019 jyldyń 1 qańtarynan 30 sáýirine deıin ishki ister organdary kámeletke tolmaǵan tulǵalardyń iz-túzsiz ketýine qatysty 114 is ashqan. 2018 jyldyń osy kezeńinde 121 is ashylǵan edi», - deıdi QR Bas prokýratýrasynyń Quqyqtyq statıstıka jáne arnaıy esepter jónindegi komıtetiniń ókilderi.
2018 jyly jalpy 407 izdestirý isi, 2017 jyly 504 izdestirý isi ashylǵan.
«2019 jyldyń 1 qańtarynan 30 sáýirine deıingi aralyqta 118 is toqtatyldy. Onyń ishinde ótken jyldarda ashylǵandary da bar. Sol 118 istiń 117-si izdestirilgen tulǵanyń qaıda ekeni anyqtalýyna baılanysty, bireýi denesin tanýǵa baılanysty toqtatyldy. 2018 jyldyń osy kezeńinde de 118 is toqtatylǵan. Onyń da týra 117-si izdestirilgen tulǵanyń qaıda ekeni anyqtalýyna, qalǵan bireýi eskirý merzimi jetýine baılanysty», - deıdi Bas prokýratýra ókilderi.
Byltyr izdeý salynǵan balalardyń úsheýi qaıtys bolǵan. Olardyń de týǵan-týystary úsheýiniń denesin tanyǵan.
«2018 jyldyń 12 aıynda 413 is (ótken jyldarda ashylǵandaryn qosqanda) toqtatyldy. Sonyń 406-sy turǵan jeriniń anyqtalýyna, 4-eýi eskirý merziminiń jetýine, 3-eýi denesin tanýǵa baılanysty toqtatylǵan. 2017 jyly 514 istiń 502-si turǵan jeriniń anyqtalýyna, 3-eýi merziminiń jetýine, taǵy úsheýi sot qaıtys bolǵan dep tanýyna, 6-aýy denesin tanýǵa baılanysty toqtatylǵan», - deıdi Bas prokýratýra ókilderi.
Avtor: Azamat Syzdyqbaev
