Qazaqstanda jyl basynan beri 900-den astam adam jol apatynan kóz jumdy – ІІM

NUR-SULTAN. QazAqparat – Elimizde jyl basynan beri jol apatynan 900-den astam adam qaıtys boldy, onyń 89-y – jasóspirim, dep habarlaıdy QazAqparat Polisia.kz saıtyna silteme jasap.

Іshki ister mınıstrligi Ákimshilik polıtsııa komıtetiniń málimetine súıensek, osy jyldyń alty aıynda 6 myńnan astam jol-kólik oqıǵasy tirkelgen. 8 myńnan astam adam jaraqattanyp, 900-den astamy qaza boldy. Jol-kólik oqıǵalarynyń 1 426-syna kámeletke tolmaǵandardyń qatysy bar. 89 jetkinshek qaza bolyp, 1 678 jasóspirim ártúrli dene jaraqatyn alǵan.

«Balalar kóbine jol-kólik oqıǵalarynan jolaýshy retinde zardap shegedi. Sebebi, júrgizýshiler avtokólikte balalardy tasymaldaý erejesin saqtamaıdy. Ata-analardyń nemquraılylyǵy taǵy bar. Alty aıda 735 bala jaıaý júrginshi retinde, 588 bala kólik jolaýshysy retinde jol apatyna ushyrady», - deıdi QR ІІM ÁPK erekshe tapsyrmalar jónindegi aǵa ınspektory Aqtoty Boranova.

Aıtýynsha, jol-kólik oqıǵalarynyń 95%-y júrgizýshilerdiń qozǵalys erejelerin saqtamaýynan bolady. Basym kópshiligi jyldamdyqty mejeden asyrady, jol belgilerin elemeıdi, manevr jasaý erejelerin buzady, rýlge ishimdik iship otyrady, sondaı-aq jolaýshylar tasymalyna salǵyrt qaraıdy.