Qazaqstanda jyl basynan beri 66,4 mln tonna munaı óndirildi

ASTANA. QazAqparat - Qazaqstanda munaı óndirý kólemi 2017 jyldyń qańtar-qarasha aralyǵynda 66,466 mln tonnany qurady. Bul  2016 jyldyń atalǵan kezeńimen salystyrǵanda 11,6 paıyzǵa artyq, dep habarlaıdy «QazAqparat» HAA tilshisi Ulttyq ekonomıka mınıstrliginiń Statıstıka komıtetine silteme jasap.

Eseptik kezeńde 12,101 mln tonna gaz kondensaty óndirilgen (ótken jyldyń osy kezeńimen salystyrǵanda 7,3 paıyzǵa artyq), tabıǵı gaz - 48,119 mlrd tekshe metr (+14 paıyz), kómir - 100,579 mln tonna (+9,6 paıyz), temir keni  - 35,902 (+5,3 paıyz), hrom kontsentraty - 4,186 mln tonna (+11,3 paıyz).