Qazaqstanda jyl basynan beri 30 myńǵa jýyq jup ajyrasyp ketken
ALMATY. QazAqparat – Qazaqstan ajyrasý deńgeıi boıynsha álemde 10-orynda tur. Bul týraly QazAqparat Economist portalyna silteme jasap habarlaıdy.
Jyldyń alǵashqy alty aıynda Qazaqstanda 63 917 neke qıylyp, 29073 ajyrasý tirkelgen. ıAǵnı, nekeleskenderdiń 45,5 paıyzy qaıta aıyrylysqan.
Osy jaǵymsyz tendentsııamen kúresý úshin maýsym aıynda otbasylyq sottar janynan «Baqytty otbasy» ilki jobasy qolǵa alynǵan. Mundaı ortalyqtarda psıholog, zańger, áleýmettik qyzmetkerdiń keńesin tegin alýǵa bolady.
«Atalǵan kezeńde otbasyn resýrstyq qoldaý ortalyqtarynyń kómegine 600-den astam adam júginip, 250-ge jýyq jup tatýlasýǵa kelisti. Arasynda 21 jastaǵy jas ta, 62 jastaǵy jasamys ta bar. Ótinish berýshiler arasynda nekede turǵandary 10 jylǵa jetpegende sany – 345, 20 jylǵa deıingiler sany – 124, 20 jyldan asqandar – 27. ıAǵnı, Qazaqstanda ajyrasý jas talǵamaıtyn bolǵan», - deıdi Daǵdarys ortalyqtary odaǵynyń basqarma tóraǵasy Zýlfııa Baısaqova.
