Qazaqstanda jyl basynan 11 903 ǵımarattyń qurylysy aıaqtaldy
ASTANA. QazAqparat - Qazaqstanda 2018 jyldyń qańtar-sáýir aralyǵynda qurylys jumystarynyń kólemi 562,2 mlrd teńgeni quraǵan. Bul kórsetkish 2017 jyldyń osy kezeńimen salystyrǵanda 2,1 protsentke kóp, dep habarlaıdy QazAqparat QR UEM Statıstıka komıtetine silteme jasap.
Eseptik kezeńde ınjenerlik ǵımarat qurylystarynyń jumys kólemi 97,5 mlrd teńgeni, avtomagıstralder, kósheler, joldar, temirjoldar, kópirler men tonnelder - 83,9 mlrd teńgeni, turǵyn úıler - 75,1 mlrd teńge, ónerkásiptik ǵımarattar - 65,8 mlrd teńge, taý-ken jáne óńdeý ónerkásibi qurylymdary 55,3 mlrd teńgeni quraǵan.
Qurylys-montajdaý jumystarynyń kólemi 3,4 protsentke azaıǵan jáne 486,7 mlrd teńgeni quraǵan. Kúrdeli jáne aǵymdaǵy jóndeý jumystary boıynsha qurylys jumystarynyń kólemi ótken jyldyń osy kezeńimen salystyrǵanda, sáıkesinshe 53,1 jáne 71,4 protsentke artty.
Qańtar-sáýirde 11 903 jańa ǵımarattyń qurylysy aıaqtaldy.
