Qazaqstanda júzý sabaqtary mektep baǵdarlamasyna engizilýi múmkin - QR TJM
ASTANA. 18 maýsym. QazAqparat - Tótenshe jaǵdaılar, Bilim jáne ǵylym mınıstrlikteri men Sport jáne dene shynyqtyrý isteri agenttigi mindetti mektep baǵdarlamasyna «Dene shynyqtyrý» páni aıasynda júzý sabaqtaryn engizý máselesin talqylap jatyr.
Bul týraly rrimeminister.kz saıtyna bergen suhbatynda Tótenshe jaǵdaılar mınıstrligi Tótenshe jaǵdaılardy joıý departamenti dırektorynyń orynbasary Alekseı Sovetov málim etken.
«Qazirgi ýaqytta Bilim jáne ǵylym mınıstrligimen, Sport jáne dene shynyqtyrý isteri agenttigimen birge júzý sabaqtaryn mindetti baǵdarlamaǵa engizý máselesi qaralýda», - dedi A. Sovetov.
Onyń atap ótýinshe, ótken jyldan bastap mınıstrlik balalardy júzýge úıretý boıynsha jumysty bastap ketken. 2012 jyly 12,5 myńnan astam bala sýda júzýdi úırengen. Oǵan qosa sý qoımalarynyń janynda ornalasqan 200 balalar lageri erekshe baqylaýǵa alyndy.
