Qazaqstanda jýyrdaǵy 2 jylda TKSh energııa tıimdiliginiń úsh ortalyǵy salynady
ASTANA. 19 qyrkúıek. QazAqparat - «Turǵyn úı-kommýnaldyq sharýashylyǵyn jańǵyrtý men damytýdyń Qazaqstandyq ortalyǵy» RMK Astana, Almaty jáne Aqtóbe qalalarynda TKSh energııa tıimdiligi ortalyqtarynyń ákimshilik ǵımarattary qurylysyn júrgizý jobasyn júzege asyrýǵa kiristi,
dep habarlady vedomstovnyń baspasóz qyzmeti.
Jergilikti atqarýshy organdar búgingi kúnge qajetti jer telimderin berdi jáne sáýletshilik-ornalastyrý tapsyrmasy men ınjenerlik toraptarǵa qosylýǵa tehnıkalyq shart jasaldy. RKM ázirlegen joba-smetalyq qujattamasy memlekettik saraptamadan ótýde, qurylys-montajdyq jumystardy uıymdastyrý daıyndalýda. Qurylysty bitirý jobalaǵan merzimi - 2013 jyldyń III toqsany.
Ortalyqtardyń negizgi qyzmeti TKSh-ǵa energııa tıimdi tehnologııalardy engizýdi jáne damytýdy kózdeıdi, sondaı-aq konstrýktorlyq jáne ǵylymı zertteýlerdi ótkizý, energııa saqtaý jabdyqtaryn ótkizý (satý), TKSh salasyndaǵy mamandardy oqytý jáne qaıta oqytý jáne qýat únemdeý saıasatyń nasıhattaý bolmaq.
Ǵımarattarda jylýmen qamtý, jylýlyq jáne elektr energııasyn generatsııalaý úshin arnaıy tehnologııalar eskerilgen, energııa únemdeıtin jaryq, sýmen qamtýdy avtomattandyrý arnaıy tehnologııalary, jylytý jáne aýa tazartý júıeleri úshin jylý sorǵyshtary, sonymen qatar jylý men salqyndy táýliktik jınaý qarastyrylǵan, energııany tıimdi terezemen qaptaý, jeldetý jáne barlyq ınjenerlik júıelerdi dıspetcherleý josparlanǵan.
Ákimshiliik ǵımarattar energııa tutynýdy jylyna kelesidegideı esepke alýmen jobalanady: Astana q. - 28 kVt*s/m2, Almaty q. - 16 kVt*s/m2 jáne Aqtóbede - 25 kVt*s/m2
Jobaǵa negizinen qazaqstandyq kompanııalardyń qatysýy qarastyrylǵan.
