Qazaqstanda jýrnalıstik zertteý týraly fılm túsirildi
ALMATY. QazAqparat - Qazaqstan kınematografısteri jýrnalıstik zertteý janrynda detektıvti komedııa túsirdi. «Statıa na dvoıh» fılmi 30 tamyzda prokatqa shyǵady, dep habarlaıdy QazAqparat tilshisi.
«Bastapqyda bizge ádette bazarlarda, avtobýsta qaıyrshylarǵa beretin 100 teńgeniń qaıda ketetini qyzyq boldy. Osynyń «túbine jetpek» boldyq. Biraq tájirıbem azdyq etken soń, kóptegen stsenarıstermen, komandamen jumys istep, boevık, melodrama elementteri bar osy kóńildi, romantıkalyq fılmdi túsirdik», - deıdi prodıýser Dastan Seıitov.
Fılm rejısseri Darhan Sarkenovtiń aıtýynsha, o basta kartına basqa janrda bolǵan.
«Stsenarııdiń bastapqy nusqasy drama janrynda boldy. Keıinnen qyzyqtyraq bolýy úshin komedııanyń arnasyna salyp, love-story jáne ekshn qostyq. Onyń qanshalyqty sátti shyqqanyna kórermen baǵa beredi», - deıdi rejısser.
Fılmniń bıýdjeti - 11 mıllıon teńge (shamamen 30 myń dollar). Bul somaǵa jarnama qyzmetteri kirmeıdi.
