Qazaqstanda júrgizý emtıhandary kezinde 69 jol-kólik apaty tirkelgen
ASTANA. KAZINFORM — Barlyq praktıkalyq júrgizý emtıhandary sátti aıaqtala bermeıdi. Keıbir jaǵdaılarda júrgizýshi kýáligin alý áreketi avtodromdarda jol-kólik apattaryna ákeledi, dep habarlaıdy «Azamattarǵa arnalǵan úkimet» MK baspasóz qyzmeti.
Máselen, 2025 jyly eldegi MQHO-da 69 jol-kólik apaty tirkelse, 2026 jyldyń birinshi toqsanynda 22 jaǵdaı tirkelgen.
Mundaı jaǵdaılardyń saldarynan emtıhanǵa arnalǵan keıbir kólik quraldary ýaqytsha paıdalanýdan shyǵarylady, bul óz kezeginde basqa qyzmet alýshylar úshin kútý merziminiń uzarýyna alyp keledi.
Sonymen qatar, bul oqıǵalar júrgizý emtıhanynyń jaı ǵana formaldy rásim emes, úmitkerdiń jol qozǵalysy jaǵdaıynda kólik quralyn basqarýǵa daıyndyǵyn baǵalaýdyń mańyzdy kezeńi ekenin kórsetedi.
— Esińizde bolsyn: Júrgizýshi tek ózi úshin ǵana emes, aınalasyndaǵylardyń qaýipsizdigi úshin de jaýap beredi. «Azamattarǵa arnalǵan úkimet» bolashaq júrgizýshilerdi avto-mektepterde sapaly daıyndalýǵa jáne emtıhandardy adal tapsyrýǵa shaqyrady, — delingen korporatsııa taratqan aqparatta.
Osydan buryn júrgizýshi kýáligin alý túbegeıli ózgeretinin jazǵanbyz, endi emtıhandy sheksiz tapsyrýǵa bolady.
