Qazaqstanda júrgizýshi kýáligin alý talaby ózgerýi múmkin
«Elimizde jyl saıyn 13 myńnan astam jol-kólik oqıǵasy bolady. Saldarynan 2 myńnan astam adam qaza taýyp, 18 myńnan astam adam jaraqat alady. Jol-kólik jaraqaty 5 pen 14 jastaǵy balalar men jasóspirimder arasyndaǵy ólim-jitimniń negizgi sebebi. Jol apaty kórsetkishiniń jyl saıyn ósýi alańdatady. Bıyl elimizde jol-kólik oqıǵasy 9%-ǵa artqan jáne jol apatynyń 21%-y adam ólimimen aıaqtalyp otyr. Sondaı-aq, jol-kólik oqıǵasynyń 95%-y júrgizýshilerdiń kinásinen oryn alady. Júrgizýshilerdiń jyldamdyq rejımin saqtamaýymen, manevr jasaý, qarsy qozǵalys jolaǵyna shyǵý erejelerin buzýymen baılanysty. Jyl basynan beri polıtsııa 4,5 mıllıonnan astam jol júrý erejesin buzý oqıǵasynyń jolyn kesti. Bul avtokólikti basqaratyndardyń quzyrettiliginiń tómendigin kórsetedi», - dedi Gúldara Nurymova QR Premer-Mınıstrdiń birinshi orynbasary Roman Sklıarǵa depýtattyq saýal joldaı otyryp.
Osyǵan oraı halyq qalaýlysy elimizde júrgizýshi kýáligin berý talabyn kúsheıtýdi usynyp otyr.
«2018 jyldan bastap júrgizýshilerdi daıarlaý ortalyǵyn ashý úshin lıtsenzııa men ruqsat talap etilmeıdi. Qazir elimizde 747 júrgizýshi daıarlaıtyn ortalyq bar. Materıaldyq-tehnıkalyq bazasy joq mektepter sany ósti. Teorııalyq jáne praktıkalyq emtıhandy ótkizý fýnktsııasy 2019 jyly ishki ister mınıstrliginen «Azamattarǵa arnalǵan úkimet» memlekettik korporatsııasyna berildi. Nátıjesinde mamandandyrylǵan halyqqa qyzmet kórsetý ortalyqtary janyndaǵy avtomattandyrylǵan avtodromdardyń qoljetimdiligi tómendedi. Elimiz boıynsha nebári 17 avtodrom bar jáne olar oblys ortalyqtarynda ǵana ornalasqan. ıAǵnı aýyl, aýdan turǵyndary oblys ortalyǵyna barýy kerek», - deıdi ol.
Joǵary aıtylǵan jaǵdaıdy eskere otyryp, kelesi sheshimdi qabyldaý usynylady:
1. Júrgizýshi kýáligin alǵash alatyndar úshin onlaın jáne ózdiginen daıyndalý múmkindigin alyp tastaý. Emtıhan tapsyrý protsesine qoıylatyn talaptardy kúsheıtý.
2. Aýdan ortalyqtarynda emtıhan tapsyrýǵa múmkindik berýdi eskere otyryp, mamandandyrylǵan halyqqa qyzmet kórsetý ortalyqtaryndaǵy emtıhan qabyldaý tártibin qaıta qaraý.
3. Júrgizýshilerdi daıarlaýdyń memlekettik standarttary men erejelerine revızııa júrgizý.
4. Ózin-ózi retteıtin uıymdar men kásiptik birlestikterdi, sondaı-aq «Atameken» ulttyq kásipkerler palatasyn tarta otyryp, avtomektepterdiń baqylaýy men jaýapkershiligin kózdeý.