Qazaqstanda júrgen Túrkııa azamattary qýdalaýǵa ushyraǵan emes - QR ІІM

ASTANA. QazAqparat - Qazaqstan aýmaǵynda túrli sebeptermen júrgen Túrkııa azamattary ishki ister organdary tarabynan qýdalaýǵa ushyraǵan emes. Bul týraly QR Іshki ister mınıstrligi Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.

«Sońǵy ýaqytta aqparat keńistiginde Qazaqstanda júrgen Túrkııa azamattarynyń problemasy týraly jarııalanymdar jaryq kórýde. Áleýmettik jeli qoldanýshylary olardyń quqyq qorǵaý organdary tarabynan qýdalaýǵa ushyraǵandyǵy jaıynda da jıi atap ótýde. Elimizde sheteldikterdiń kelýine qatysty barlyq máseleler quqyq alań aıasynda qarastyrylatyndyǵyn atap ótkim keledi. Qazirgi ýaqytta Túrkııamen 30 kúnge deıin vızasyz bolý rejimi qoldanysta», - dedi ol.

Osy oraıda Almas Sadýbaev búkil álemdegideı Qazaqstan vızasy qoldanystaǵy tólqujat bolǵanda ǵana uzartylatyndyǵyn atap ótti.

«Qazaqstanda turaqty turatyn sheteldik mártebesin, sondaı-aq azamattyqty alý úshin  ol azamaty bolyp sanalatyn eldiń jazbasha kelisimi jáne sol elden sottalmaǵandyǵy týraly qujaty qajet. Buǵan qosa, Túrkııa azamattary bosqyn mártebesin alý úshin qoldaýhat ta bere alady. Qazirgi ýaqytta Qazaqstanda Túrkııanyń 24 myńnan astam azamatty turaqty turyp jatyr», - dedi departament basshysy.