Qazaqstanda júrek-qantamyr aýrýlarynan bolatyn ólim-jitim azaıyp keledi
Qazaqstan kardıologtarynyń XV kongresine Ulybrıtanııa, Frantsııa, Italııa, Izraıl, Túrkııa, Serbııa, Reseı, Grýzııa, Ýkraına jáne Qyrǵyzstannyń jetekshi sarapshylary qatysyp jatyr.
Іs-shara barysynda júrek-qan tamyrlary patologııalaryn dıagnostıkalaý jáne emdeý boıynsha sońǵy jańalyqtar talqylanýda, negizgi qazaqstandyq jáne halyqaralyq spıkerlermen telekópir ótti.
Kongresste densaýlyq saqtaý salasyndaǵy birqatar taqyryp kóterildi:
- ESC-2022 ókpe gıpertenzııasyn dıagnostıkalaý jáne emdeý, sondaı-aq qarynshalyq arıtmııasy bar naýqastardy emdeý jáne kenetten júrek óliminiń aldyn alý boıynsha usynymdar.
- júkti áıelderdiń ómirine qaýip tóndiretin joǵary qaýipti jaǵdaılardyń aldyn alý.
- júrek-qan tamyrlary aýrýlarynyń aldyn alýdaǵy salaýatty ómir saltynyń róli.
- koronarlyq arterııanyń obstrýktıvti zaqymdanýynsyz mıokard ınfarktisin emdeý erekshelikteri.
- 2022 jylǵy jańa klınıkalyq nusqaýlarda ıshemııalyq ınsýlttiń qaıtalama profılaktıkasy.
- negizgi júrek-qan tamyrlary aýrýlarynyń jáne t.b. aldyn alý jáne emdeý boıynsha sońǵy halyqaralyq klınıkalyq usynystar.
Spıkerlerdiń sózinshe, júrek-qantamyr aýrýlary álemdegi ólim-jitimniń negizgi sebebi bolyp otyr.
Jedel jáne sozylmaly júrek aýrýy bar naýqastarda kardıovaskýlıarlyq jaǵdaılardyń aldyn alý jáne táýekeldi tıimdi basqarý júrek-qantamyr aýrýy men jalpy ólimdi azaıtady.
«COVID-19 pandemııasynyń kúrdeli eki jylynan keıin alǵash ret ólim-jitim ótken jylǵy sáıkes kezeńimen salystyrǵanda 29,7% tómendedi, onyń ishinde qan aınalymy júıesi aýrýlarynan bolatyn ólim-jitim 33,7% tómendedi», - deıdi Kardıologııa jáne ishki aýrýlar ǴZI basqarma tóraǵasy Marat Pashımov.
Kongres aıasynda Almatydaǵy kardıologııa jáne ishki aýrýlar ǵylymı-zertteý ınstıtýtynyń dárigerleri tájirbıe bólisti.
«Keshe jáne búgin bizdiń klınıkanyń jetekshi kardıologtary, arıtmologtary, fýnktsıonaldyq dıagnostıka dárigerleri kongresstiń ǵylymı baǵdarlamasy aıasynda sozylmaly júrek jetkiliksizdigine shaldyqqan naýqastardy emdeý jáne ońaltý, júrek yrǵaǵynyń kúrdeli buzylystary boıynsha tájirıbesin bólisip jatyr», - deıdi Marat Pashımov.
Kardıologtardyń aıtýynsha, mundaı kongrester mamandarǵa sońǵy ǵylymı jetistikter týraly bilýge, ózekti máselelerdi talqylaýǵa jáne ortaq maqsattarǵa jetý úshin yntymaqtasýǵa múmkindik beredi.
