Qazaqstanda júrek aqaýymen týylǵan 12-15 keli salmaqqa deıingi balalarǵa operatsııa jasaıtyn klınıkalar joq - A.Seıdalın
Y. Qańtardyń 26-sy. QazAqparat /Ádilet Musahaev/ - Búgin Almatyda «Qazaqstandyq sábıler emi bar aýrýlardan shetinemeýi kerek.
Qazaqstandaǵy balalar kardıohırýrgııasynyń problemalaryn 2009 jyly sheshý týraly esep» atty Qazaqstandaǵy balalar kardıohırýrgııasynyń problemalaryna arnalǵan baspasóz máslıhaty ótti, dep habarlaıdy QazAqparat.
Baspasóz máslıhaty barysynda balalar kardıohırýrgııasynyń jaǵdaıy jáne sol jaǵdaıdan shyǵý joldary, sonymen qatar problemalardy sheshý jolynda 2009 jyly júzege asyrylǵan sharalar talqylandy.
Qazaqstanda jyl saıyn júrek aqaýymen 3000 jýyq sábı dúnıege kelse, olardyń 10-15 paıyzy ǵana bir jasqa deıin ómir súredi eken. 5000 sábı týa bitti júrek aqaýyn joıý operatsııasyn jasaýǵa kezek kútýde. «Búkil órkenıetti elderde týa bitti júrek aqaýy balalardyń ómirine shyǵarylǵan úkim emes. Qazaqstanda júrek aqaýymen týylǵan 12-15 keli salmaqqa deıingi balalarǵa operatsııa jasaıtyn klınıkalar joq, al júrek aqaýy bar balalar mundaı salmaqty tek 3 jasqa qaraı ǵana jınaı alady. Operatsııalardy bir jasqa deıingi jas sábılerge jasaý qajet jáne olar sáttirek ótedi. Onyń ústine der kezinde jasalǵan operatsııanyń nátıjesi jaqsy bolady. Operatsııadan keıin balalar ádette tolyqqandy ómir súre alady, tipti sportpen de shuǵyldana alady», deıdi QR Densaýlyq saqtaý mınıstrliginiń Bas kardıohırýrgy, A. N. Syzǵanov atyndaǵy UǴHO kardıohırýrgııa bólimshesiniń meńgerýshisi, medıtsına ǵylymdarynyń doktory, professor Arystan Seıdalın.
Sharaǵa «DOM» Qoǵamdyq qorynyń dırektory Arýjan Saın, QR Qaıyrymdylyq qorlary qaýymdastyǵynyń ókili Ásel Іzbasarova. «Merı Keı (Qazaqstan)» JShS Bas dırektory Konstantın Kýlınıch qatysty.
