Qazaqstanda júregin alǵash aýystyrǵan adam praımerızge qatysady
«Men praımerızge qatysamyn. Nur Otan partııasynyń partııaishilik praımerızi qoǵam belsendileri úshin partııa tiziminde bolý ǵana emes, ózekti máselelerdi sheshý maqsatynda qoldanýǵa bolatyn keremet múmkindik. Úgit-nasıhat júrgizý jáne kezdesý uıymdastyrý barysynda negizgi máselelerdi talqylap jáne ony sheshý múmkindigi bolady», - dep jazdy Jánibek Ospanov Facebook paraqshasyna.
Jánibek Ospanov 2012 jyly 8 tamyzda júregine transplantatsııa jasaǵan. Qazirgi ýaqytta ol patsıenttik uıymnyń basshysy jáne sapaly medıtsınalyq kómektiń qoljetimdiligimen aınalysady.
«Bárimiz medıtsınalyq qyzmet túrin alýshylarmyz. Medıtsınalyq qyzmetkerlerge, MÁMS-ke, dári-dármekpen qamtamasyz etýge, salaýatty ómir saltyn nasıhattaýǵa, ońaltý jumystaryna qatysty sheshimin tabýy kerek máseleler jeterlik. Adamdardyń medıtsınaǵa degen senimin qaıtarý óte mańyzdy. Atalǵan máseleler elimizdegi medıtsına salasynyń durys damýyna kedergi keltiredi. Shyn máninde elimizde bul salany durys damytýǵa kerektiniń bári bar», - deıdi Jánibek Ospanov.
Ol densaýlyqtyń qadirin jaqsy biletinin aıtty.
«Ártúrli aýrýǵa shaldyǵyp jáne ony jeńgendikten men densaýlyǵym men ómirimniń qadirin jaqsy bilemin. Osy sebepti elimizde medıtsına salasynyń damýyna bar kúshimdi salǵym keledi», - deıdi ol.
Eske sala ketsek, bıyl 5 maýsymda Nur Otan partııasynyń praımerız ótkizý erejesi jarııalanǵan bolatyn.
