Qazaqstanda jún óńdeıtin kásiporyn salatyndarǵa sýbsıdııa berilmek
«Qazirgi ýaqytta ınvestıtsııalyq salymdar kezinde agroónerkásiptik keshen sýbektisi shekken shyǵystardyń bir bóligin óteý boıynsha sýbsıdııalaý qaǵıdalary sheńberinde jańa kásiporyndardy salý jáne jumys istep turǵandaryn jańǵyrtý kezinde bylǵary jáne jún jýý kásiporyndarynyń shyǵyndaryn óteý kózdelgen.
Jún óńdeıtin kásiporyndar úshin qurylys kezinde shyǵyndardy óteýdiń eń joǵary somasy 868 mln teńgeni, keńeıtý kezinde – 430 mln teńgeni quraıdy. Bylǵary kásiporyndary úshin bul soma 661 mln teńgeni, keńeıtý kezinde – 300 mln teńgeni quraıdy», -dep jazady Úkimet basshysy.
Depýtattyq saýalda shaǵyn jáne ortasha qýatty jańa óndiristerdi ashý jáne qoldanystaǵylaryn keńeıtý jáne jańǵyrtý jobalaryna salynǵan ınvestıtsııany óteý úlesin ulǵaıtyp, óndiristik qýattardyń eń tómengi deńgeıine qoıylatyn talaptardy áli de tómendetýdiusynǵan bolatyn.
«Óz kezeginde jún men terini tereń óńdeý kásiporyndaryna ınvestıtsııalyq salymdar kezinde shyǵystardy óteý bóliginde kórsetilgen sýbsıdııalaý qaǵıdalaryna ózgerister engizý boıynsha usynystar jalpy qoldaý tabady.
Teri men júndi tereń óńdeý óndirisin sýbsıdııalaý, sondaı-aq ınvestıtsııalyq salymdardy óteý úlesin ulǵaıtý jáne óndiristik qýattardyń eń tómengi deńgeıi boıynsha talaptardy tómendetý máseleleri agroónerkásiptik keshendi memlekettik qoldaýdyń tıimdiligin arttyrý jónindegi jumys tobynyń otyrystary sheńberinde qaralady», - dep jazylǵan jaýapta.
Buǵan deıin Álıhan Smaıylovtyń Májilis ókilderiniń depýtattyq saýalyna joldaǵan jaýabynda dıqandar úshin tyńaıtqysh baǵasyn arzandatýǵa respýblıkalyq bıýjetten qosymsha qarjy bólý máselesi qarastyrylyp jatqanyn aıtty.
