Qazaqstanda jumyssyzdyq deńgeıi tómendedi

ASTANA. QazAqparat - Qazaqstanda 2018 jyldyń qazanyndaǵy kórsetkish boıynsha jumyssyz adamdardyń sany 442 myń adamdy quraǵan. Bul elimizdegi jalpy jumys kúshiniń 4,8 paıyzyn quraıdy, dep habarlaıdy QazAqparat Statıstıka agenttigine silteme jasap.

Resmı kórsetkish boıynsha, qazan aıynda jumyspen qamtý organdarynda jumyssyz retinde 142,3 myń adam tirkelgen. Bul ekonomıkalyq turǵyda belsendi halyqtyń 1,6 paıyzyn quraıdy.

Jasyryn jumyssyzdyqtyń deńgeıi 2018 jyldyń shilde-qyrkúıek aılarynda jumys kúshiniń 0,3 paıyzyn (23,8 myń adam) quraǵan.

Respýblıkanyń ekonomıkasynda berilgen baǵa boıynsha 8,7 mln adam (ıaǵnı, jumyspen qamtylǵan) bar. Jumyspen qamtylǵan halyqtyń ishinde jaldamaly jumysshylardyń sany atalmysh aralyqta 6,6 mln adam nemese 75,8 paıyz.

ІІІ toqsannyń qorytyndysy boıynsha, ózin-ózi jumyspen qamtyǵandardyń ishinde ónimdi túrde jumys istep júrgenderdiń kórsetkishi 89,7 paıyzdy quraǵan.