Qazaqstanda jumyssyzdyq deńgeıi qazan aıynda 4,9% qurady - Statıstıka komıteti

ASTANA. QazAqparat - Respýblıkamyzda aǵymdaǵy jyldyń qazan aıyna baǵalaý boıynsha jumyssyzdar sany 441,9 myń adamdy qurady, dep habarlaıdy QR Ulttyq ekonomıka mınıstrligi Statıstıka komıteti.

«Jumyssyzdyq deńgeıi ekonomıkalyq belsendi halyq sanyna 4,9% qurady. Jumyspen qamtý organdarynda jumyssyzdar retinde tirkelgender sany 2015 jylǵy qazannyń sońyna 62,2 myń adamdy qurady nemese ekonomıkalyq belsendi halyq sanyna 0,7%», - delingen statıstıka komıtetiniń habarlamasynda.

Oǵan qosa, vedomstvonyń málimetine sáıkes, bıylǵy jylǵy qyrkúıekte halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 64644 teńgeni qurady, bul 2014 jylǵy qyrkúıekke qaraǵanda 4,8% joǵary, al naqty aqshalaı tabys kórsetilgen kezeńde 0,4% ósti.

2015 jylǵy qazanda bir qyzmetkerdiń ortasha aılyq ataýly jalaqysy baǵalaý boıynsha 122422 teńgeni qurady.