Qazaqstanda jumyssyzdyq boıynsha genderlik teńsizdik saqtalyp otyr - A. Manasova
ASTANA. Aqpannyń 16-sy. QazAqparat /Qanat Mámetqazyuly/ - QR Úkimeti janyndaǵy «Ulttyq taldaý ortalyǵy» AQ zertteýlerine qaraǵanda, Qazaqstanda jumyssyzdyq máselesi boıynsha genderlik teńsizdik saqtalyp otyr. Bul týraly búgin QR Parlamenti Májilisinde «Qazaqstandaǵy áıelder men balalardyń ómirine ekonomıkalyq daǵdarystyń, azyq-túlik pen otynǵa baǵa turaqsyzdyǵynyń áseri» atty zertteý qorytyndylaryn jarııalaǵan taldaý ortalyǵynyń basqarma tóraıymy Aıana Manasova málim etti,
dep habarlaıdy QazAqparat.
«Zertteý barysynda Qazaqstandaǵy kedeılik deńgeıine qatysty dınamıka úrdisi daǵdarys kezeńderi boıynsha saqtalyp qalǵany baıqaldy. Degenmen, daǵdarys saldarynan kedeılik pen jumyssyzdyqtyń ósýine áser etetin naqty faktorlar baıqalmaıdy. ıAǵnı, bul saladaǵy makrodeńgeı kórsetekishteri jaman emes. Sonymen birge, jumyssyzdardy kedeılik táýekeline ıkemdi turatyn topqa jatqyzǵan ábden oryndy. Bul turǵydan qaraǵanda Qazaqstanda jumyssyzdyq boıynsha genderlik teńsizdiktiń saqtalyp otyrǵanyn atap ótýge bolady», dedi basqarma tóraıymy Aıana Manasova.
Onyń aıtýyna qaraǵanda, jumystan bosap qalý qaýpi erkekterge qaraǵanda áıelderde kóbirek kezdesedi eken. Máselen, zertteýler nátıjesine qaraǵanda 2009 jyldyń ekinshi toqsanynda jumyssyz erler sany 43,2 paıyzdy qurasa, áıelderge qatysty bundaı kórsetkish 56,8 paıyzdy quraǵan. «30 ben 55 jastaǵy erler men áıelderdiń jumyspen qamtylýyndaǵy eleýli aıyrmashylyq bala týý jasyndaǵy áıelderdiń kemsitýshilikke ushyrap otyrǵany retinde túsindiriledi», dedi basqarma tóraıymy.
