Qazaqstanda jumyssyzdar sany - 466 myń adam
ASTANA. QazAqparat - Qazaqstanda jumssyzdar sany - 466 myń adam. Bul týraly QR Statıstıka agenttiginiń tóraǵasy Álıhan Smaıylov málim etti.
«2014 jylǵy sáýirde halyqtyń ortasha jan basyna shaqqandaǵy ataýly aqshalaı tabystary 60242 teńgeni qurady. Bul ótken jylǵy sáýirge qaraǵanda 9 paıyzǵa joǵary. Al naqty aqshalaı tabys kórsetilgen kezeńde 2,3 paıyzǵa ósti», - dedi agenttik basshysy.
Sondaı-aq onyń sózine qaraǵanda, aǵymdaǵy jyldyń sáýirinde 1 qyzmetkerdiń ortasha ataýly aılyq jalaqysy 116927 teńgeni qurady jáne 2013 jyldyń sáýirimen salystyrǵanda 11,3 paıyzǵa ósti.
«Mamyr aıynda jumyssyzdar sany baǵalaý boıynsha 466 myń adamdy qurap, jumyssyzdyq deńgeıi ekonomıkalyq belsendi halyqtyń 5,1 paıyzdyq kórsetkishi tóńireginde boldy», - dedi Á.Smaıylov.
