Qazaqstanda jumyspen qamtylǵandardyń 38 paıyzdan astamy mektepten keıin bilimin múldem jetildirmegen
ASTANA. QazAqparat - Qazaqstanda jumyspen qamtylǵandardyń 38 paıyzdan astamy mektepten keıin bilimin múldem jetildirmegen. Búgin Senatta «Qazaqstan Respýblıkasyndaǵy orta tehnıkalyq jáne kásiptik bilim berý júıesin damytýdyń bolashaǵy men ony zańnamalyq turǵydan qamtamasyz etý sharalary» atty ǵylymı-tájirıbelik konferentsııa barysynda sóz sóılegen palata spıkeri Qasym-Jomart Toqaev osylaı málim etti.
«Kásiptik tehnıkalyq bilim berýdi jańǵyrtý el ekonomıkasynyń negizgi salalaryn bilikti kadrlarmen qamtamasyz etý maqsatynda jumys berýshilermen ózara tıimdi árekettestikti talap etedi. Zertteý nátıjelerine sáıkes, jumys berýshilerdiń úshten ekisi jumysshy kadrlarynyń bilimi men daǵdylarynyń jetkiliksiz deńgeıi bıznestiń damýyna kedergi bolatynyn aıtqan», dedi Senat Tóraǵasy.
Onyń sózine qaraǵanda, qazirgi tańda Qazaqstanda jumyspen qamtylǵan halyqty 30 paıyzynyń ǵana kásiptik bilimi bar.
«Al 32 paıyzy joǵary oqý ornyn bitirgen bolsa, 38 paıyzdan astamy mektepten keıin bilimderin múldem jetildirmegen», - dedi spıker Q. Toqaev
