Qazaqstanda jumysqa ornalasýda áıelder de erlermen teń quqyly - T. Dúısenova
«Elimizde jumysqa turýda áıelder quqyqtaryn júzege asyrý úshin qajetti quqyqtyq jaǵdaılar jasalǵan. Atap aıtqanda, jumysqa ornalasýda áıelder de erlermen teń quqyly, sondaı-aq ekonomıkanyń barlyq salalaryna belsendi qatysýda», - dedi mınıstr.
Qazaqstan Respýblıkasynda 2006-2016 jyldarǵa arnalǵan genderlik teńdik strategııasyn iske asyrýdyń aldyn ala qorytyndylaryna arnalǵan halyqaralyq konferentsııada.
T. Dúısenova erler men áıelder arasyndaǵy jalaqy boıynsha aıyrmashylyq olar jumys istep jatqan salalardyń ereksheligine baılanysty ekenin jetkizdi. Mysaly, bilim berý men densaýlyq saqtaý salalaryndaǵy qyzmetkerlerdiń 70 paıyzy áıelder bolsa, al taý-ken salasynda 70 paıyzy erler. Sáıkesinshe, jumystyń ereksheligi men jaǵdaıy eńbekti tóleýdi saralaıdy.
Sonymen qatar, vedomstvo basshysy jańa QR Eńbek kodeksi salada genderlik teńdikti qamtamasyz etýge negizdelgen normalardyń keshenin qamtyp otyrǵandyǵyn sóz etti. Bul turǵyda áıeldiń, júkti áıelderdiń jáne balaly názik jandylardyń eńbegin retteýdiń erekshelikteri bekitilgen.