Qazaqstanda jumys, oqý, shyǵarmashylyq úshin barlyq jaǵdaılar jasalǵan

Bul týraly «Bolashaq búginnen bastalady!» respýblıkalyq aqparattyq áleýmettik naýqanynyń bastalýyna arnalǵan baspasóz máslıhatynda respýblıkalyq jastar uıymdarynyń kóshbasshylary málimdedi.

«Bizdi kóshbasshymyz, óz kúshimizge senimdilik pen bolashaǵymyzdyń jarqyndyǵy biriktiredi. Búginde Qazaqstanda jumys, oqý, shyǵarmashylyq, túrli salalardaǵy  tabystarǵa jetý úshin barlyq jaǵdaılar jasalǵan», - dep atap ótildi úndeý mátininde.

Alaıda, jas kóshbasshylardyń atap ótýinshe, bul múmkindikter tek barlyq qoǵamnyń jasampaz belsendiligi kezinde ǵana naqty iske asyrylady.

«Árbir qazaqstandyqtyń bıznes, oqý, sport, óner nemese óz erkimen, umtylýshylyǵy jáne naqty isterimen ómirdegi qolaısyz jaǵdaılardan ótýdegi qol jetkizgen bıikteri - el bolashaǵyna qosqan úlesi. Bizdiń bolashaǵymyz óz qolymyzda. Jáne ol tek naqty ister: ǵylymı jańalyqtar nemese óndiristi iske qosýmen, naýqas balalarǵa kómek kórsetý nemese aǵash otyrǵyzýmen, qurylys jasaqtarynyń jumysy nemese «Dıplommen-aýylǵa» baǵdarlamasyna qatysýmen, sportpen shuǵyldaný nemese ónerdi damytý arqyly salyna alady. Bolashaq búginnen bastalady!», - dep málimdedi jastar kóshbasshylary.