Qazaqstanda jumys izdegen zańger men qarjygerler kóbeıdi

NUR-SULTAN. QazAqparat – Ótken aıda Qazaqstanda jumys izdegen zańgerler men qarjygerler kóp boldy. Bul týraly Eńbek resýrstaryn damytý ortalyǵynan málim boldy, dep habarlaıdy QazAqparat.

«Qyrkúıek aıynda biliktilikti talap etetin kásipter arasynda zańgerler (331 bos orynǵa qarsy 790 túıindeme), dene shynyqtyrý jáne sport muǵalimderi (1,3 myń túıindeme jáne 965 bos oryn), sondaı-aq qarjygerler (238 túıindeme jáne 24 bos oryn) artyq boldy. Biliktilikti talap etpeıtin arasynda vahterler men eldi mekenderdi abattandyrý boıynsha jumysshylar arasynda jumys oryndary úshin joǵary básekelestik baıqalady», - delingen ortaoyq málimetinde.

Jumys berýshilerdi qarastyratyn bolsaq, bilim berý, aýyl sharýashylyǵy jáne basqa da qyzmetter salasyndaǵy, sondaı-aq statıstıka jáne áleýmettaný salasyndaǵy kásiporyndar Elektrondyq eńbek bırjasyndaǵy bos jumys oryndarynyń eń kóp sanyn jarııalady.

Óńirler bólinisinde bilim berý salasyndaǵy kásiporyndar Almaty (3,6 myń bos jumys orny), Aqtóbe (2,7 myń), Qaraǵandy (2,3 myń) oblystarynda jáne Nur-sultan qalasynda (2,3 myń) joǵary suranysqa ıe boldy. Óz kezeginde aýyl sharýashylyǵy kásiporyndary ońtústik óńirlerde, atap aıtqanda Túrkistan (3,5 myń), Almaty (2,3 myń) jáne Jambyl (1,6 myń) oblystarynda bos oryndardyń kóbirek sanyn ornalastyrdy.

Budan buryn habarlanǵandaı, qyrkúıek aıynda bilim berý salasyndaǵy mamandarǵa degen suranys artyp otyr. 18 myńnan astam bos jumys orny tikelip, bul mektepterde, kolledjderde jáne JOO-larda dástúrli oqytý formatyna qaıta oralýǵa baılanysty qalyptasty.

Aıta keteıik, qyrkúıek aıynda elimizde avtokólik júrgizýshileri, tárbıeshiler, júk tıeýshiler tapshy boldy.