Qazaqstanda jumys istep turǵan 4500 dinı birlestiktiń 1,5 myńǵa jýyǵy jabylady

Búgin QR Parlamenti Senatynyń jalpy otyrysynda «Qazaqstan Respýblıkasy men Qasıetti Taq arasyndaǵy Ózara qatynastar týraly kelisimdi ratıfıkatsııalaý týraly» zańdy talqylaý barysynda Din isteri agenttiginiń tóraǵasy Qaırat Lama Sharıf osylaı málim etti.  

Talqylaý barysynda senator Murat Baqtııaruly byltyrǵy jyly Qazaqstanda tirkelgen dinı birlestikter sany 4500-di quraǵanyn aıtyp, al keıinnen qabyldanǵan zań boıynsha olardyń barlyǵy qaıta tirkeýden ótýi tıistigine nazar aýdardy. «Ótken 9 aıdyń qorytyndysy boıynsha qaıta tirkeý úderisi qalaı júrip jatyr?»,- dep surady senator agenttik tóraǵasynan.

«Qazir zań normasyna sáıkes, ótpeli kezeń bastaldy. Bul kezeń 25 qazan kúni aıaqtalady. Osy ýaqyt ishinde Qazaqstanda tirkelgen 4551 dinı birlestik qaıta tirkeýden ótýi shart. Qazirgi ýaqytta Qazaqstan musylmandary dinı basqarmasynyń barlyq 2300-den astam meshitteri tolyq tirkeýden ótip jatyr. 10 oblysta tirkeý bitti. Al orys pravoslav shirkeýi endigári Qazaqstannyń pravoslav shirkeýi atalatyn boldy. Sol shirkeýge qarasty 270 prıhodtyń barlyǵy tirkeýden ótip jatyr. Bul 4500 dinı birlestiktiń 80 paıyzyna deıingi kórsetkish», - deıdi Q. Lama Sharıf.

Onyń aıtýynsha, tirkeýden ótip jatqan taǵy 1200 protestant aǵymyndaǵy birlestikter bar. Olardyń basym bóligi ary qaraı óz jumysyn toqtatýy múmkin. Óıtkeni, olar óz dinı senimderi negizinde birlestikterin qalyptastyratyn bastama toptaryn qura almaı jatyr. «Sondyqtan da, bizdiń boljaýymyzsha 4500 dinı birlestiktiń sany 30 paıyzǵa deıin kemıdi. Bul zańdy, tabıǵı túrde oryn alatyn qubylys. Bunda eshqandaı da adam quqyqtaryn shekteý nemese ar-ojdan bostandyǵyna nuqsan keltirý bolmaıdy. ıAǵnı, soǵan sáıkes aldaǵy ýaqytta elimizde jumys isteıtin dinı birlestikter sany 3 myńnan sál asady. Bul jaqsy kórsetkish. Osylaısha, biz bir jyldyń ishinde dinı alańda zańsyz jumys jasaıtyn  toptardy toqtatý múmkindigine ıe boldyq», - dedi Q. Lama Sharıf.