Qazaqstanda jumys istemeı turǵan kásiporyndardy májbúrlep taratý osy jyldyń birinshi toqsanynda aıaqtalady - D. Erǵojın
ASTANA. Mamyrdyń 18-i. QazAqparat /Ernur Aqanbaı/ - Qazaqstanda jumys istemeı turǵan kásiporyndardy májbúrlep taratý osy jyldyń birinshi toqsanynda aıaqtalatyn bolady.
Bul týraly búgin Astanada on-laın konferentsııanyń barysynda Qarjy mınıstrligi Salyq komıtetiniń tóraǵasy Dáýlet Erǵojın málim etti, dep habarlaıdy Qazaqparat.
Onyń sózine qaraǵanda, Salyq kodeksinde jumys istemeı turǵan kásiporyndardyń qyzmetine qatysty arnaıy bap bar, onda belgili bir krıterııler qarastyrylǵan. Oǵan sáıkes, 2010 jylǵy qańtardyń 1-gi jaǵdaı boıynsha esepte turǵan, ıaǵnı salyqtyq esepti usynbaǵan, qaıta tirkelý protsedýrasynan ótpegen, eksporttyq-ımporttyq operatsııalardy júzege asyrmaǵan kásiporyndar taratylatyn bolady. Bul jumysty Salyq komıteti birinshi jarty jyldyqtyń ishinde aıaqtaýdy josparlap otyr.
