Qazaqstanda jumys berýshilerdiń mindetteri men jaýapkershiligi artady
Bul týraly QR Parlamenti Májilisi Áleýmettik-mádenı damý komıtetiniń hatshysy Beıbit Mamraev Májilistiń jalpy otyrysynda aıtty.
Onyń aıtýynsha, «QR keıbir zańnamalyq aktilerine eńbek máseleleri boıynsha ózgerister men tolyqtyrýlar engizý týraly» zań jobasy týraly qorytyndy ázirlenip jatyr.
«Zań jobasynda jumyskerlerge laıyqty eńbek jáne turmys jaǵdaılaryn jasaý boıynsha jumys berýshiniń mindetteri men jaýapkershiligin arttyrý, kórsetilgen kezeńge jalaqysy saqtalmaıtyn demalys berý jónindegi jumys berýshiniń mindetterin tolyqtyra otyryp, merzimdi áskerı qyzmet atqarý kezeńinde azamattardyń jumys ornyn saqtaý, eńbek sharttaryn jasaý men esepke alýdy jáne jumys berýshi qyzmetin QR Eńbek zańnamasynyń talaptaryna sáıkestigin deklaratsııalaýdy avtomattandyrý kózdelgen», - dedi B. Mamraev.
Ózgerister men tolyqtyrýlar 4 zańnamalyq aktige, 2 kodekske jáne 2 zańǵa engiziledi.
«Komıtet osy zań jobasyn jumysqa alýǵa jáne ol boıynsha 2019 jylǵy 25 jeltoqsanǵa deıingi merzimde qorytyndy ázirleýge daıyn. Qoldaýlaryńyzdy suraımyn», - dedi komıtet hatshysy.
