Qazaqstanda jumys berýshiler jalaqydaǵy sáıkessizdikter úshin qylmystyq jaýapkershilikke tartylýy múmkin
ASTANA. 27 qarasha. QazAqparat - Qazaqstanda jumys berýshiler jalaqydaǵy sáıkessizdikter úshin qylmystyq jaýapkershilikke tartylýy múmkin. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Eńbek jáne halyqty áleýmettik qorǵaý mınıstri Tamara Dúısenova málim etti.
Onyń atap ótýinshe, aǵymdaǵy jyly eńbek ınspektsııasy Bas prokýratýramen birlesip, 70 uıymda tekserý jumystaryn júrgizdi. Nátıjesinde jergilikti jáne sheteldik mamandar arasyndaǵy eńbekaqy tóleýde sáıkessizdikter anyqtaldy.
«Qazirgi ýaqytta jumys berýshilerdiń jaýapkershiligin kúsheıtý úshin Ákimshilik jáne Qylmystyq kodeksterdiń jobalarynda jalaqydaǵy sáıkessizdikke qatysty quqyq buzýshylyqtyń jańa normasy engizilýde. Jobalar Májilis qaraýynda. ıAǵnı, atalǵan normaǵa sáıkes, birdeı jumysy úshin birdeı jalaqy alýdaǵy jumysshy quqyǵynyń buzylǵany úshin ákimshilik, sonymen qatar qylmystyq jaýapkershilik qarastyrylady», - dedi T.Dúısenova.
