Qazaqstanda jumys berýshiler qyzmetkerlerge 260 mln. teńge zeınetaqy salymdaryn tólemegen
ASTANA. 11 naýryz. QazAqparat - Qazaqstanda jumys berýshiler qyzmetkerlerge 260 mln. teńge zeınetaqy salymdaryn tólemegen. Bul týraly búgin QR Eńbek jáne halyqty áleýmettik qoraý mınıstrliginde ótken jınalysta Eńbek jáne áleýmettik seriktestik departamentiniń bastyǵy Aqmadı Sarbasov málim etti.
A.Sarbasov habarlaǵanyndaı, Salyq komıtetiniń 2013 jylǵy 1 qańtardaǵy aqparatyna sáıkes, 210 salyq tóleýshi ózderiniń burynǵy jumysshylary aldynda mindetti zeınetaqy salymdary boıynsha 260 mln. teńge bereshekteri bar. Eń joǵary kórsetkishter Batys Qazaqstan, Pavlodar jáne Qostanaı oblystarynda tirkelgen.
