Qazaqstanda jumyrtqa óndirisi 8% - ǵa qysqardy
Bul bir jyl burynǵy kórsetkishpen salystyrǵanda 30,4%-ǵa artyq. QR iri qalalary men megapolısteriniń ishinde jumyrtqalar Almaty, Nur-Sultan jáne Atyraý turǵyndary úshin eń qymbat, al Taraz turǵyndary úshin eń arzan bolyp otyr, dep habarlaıdy QazAqparat Energyprom.kz-qa http://www.energyprom.kz/ru/a/monitoring/kazhdyj-kazahstanec-v-srednem-potreblyaet-dva-yajca-kazhdye-tri-dnya-est-menee-odnogo-yajca-v-den silteme jasap.
Habar24 telearnasy https://24.kz/ru/news/delovye-novosti/item/446891-v-opek-dogovorilis-chto-kazakhstan-i-rossiya-uvelichat-dobychu-nefti habarlaǵandaı, Qazaqstan qus ósirýshiler odaǵy prezıdentiniń málimetterine sáıkes, qus tumaýynyń taralýyna baılanysty óndiristiń quldyraýy jáne saladaǵy baǵanyń ósýi baıqalady.
Odaq basshysynyń pikirinshe, baǵanyń ósýi úshin deldaldar jaýap beredi, sonyń saldarynan 30%-dan 50% - ǵa deıin ósip jatyr. Qus ósirýshilerdiń ózderi de otandyq asyl tuqymdy bazanyń tapshylyǵyna tap bolyp otyr.
Elge ákelingen taýyqtar jyl saıyn fermerlerge qymbatqa túsýde. Kóptegen kásiporynǵa óndiristi keńeıtýge ǵana emes, jarty jyldyń ishinde tórtten bir esege qymbattaǵan jem-shóp satyp alýǵa da aınalym qarajaty jetpeıdi, dep málimdeıdi Qazaqstan qus ósirýshiler odaǵy.
2020 jyly elimizde 5 mlrd. jumyrtqa óndirildi. Bul bir jyl burynǵyǵa qaraǵanda 8,4% -ǵa az. Óńirler arasynda óndiris boıynsha Almaty (994,8 mln dana, bir jyl ishinde 5,8%-ǵa azaıǵan), Aqmola (804,4 mln dana, bir jyl ishinde 6,5%-ǵa azaıǵan) jáne Qaraǵandy (664,3 mln dana, bir jyl ishinde 11,2%-ǵa azaıǵan) oblystary kósh bastap tur.
Jumyrtqaǵa suranysty (eksport pen ishki naryqta satýdy) on bir aıdyń qorytyndysy boıynsha jergilikti kompanııalar 96,6%-ǵa qamtamasyz etken. Bul rette eksporttyń úlesi qolda bar resýrstardyń tek 4,2% qurady, al bir jyl buryn 30,4% bolǵan edi. Tek 204,9 mıllıon jumyrtqa syrtqy naryqqa jiberildi. Bul 2019 jyldyń sáıkes kezeńimen salystyrǵanda 7,9 ese az.
Bir jyldan az ýaqyt ishinde ishki naryqta 4,7 mıllıard jumyrtqa satyldy, jyldyq ósim qarqyny 25,7%-dy qurady. On bir aıda eldiń ár turǵynyna ortasha eseppen 247,2 jumyrtqadan keledi. Ortasha alǵanda árbir qazaqstandyq úsh kúnde eki jumyrtqadan jeıdi, ıaǵnı kúnine bir jumyrtqadan az jeıdi.
