Qazaqstanda jumyrtqa nege qymbattady - Bojko jaýaby
Onyń aıtýynsha, jumyrtqa baǵasynyń ózgerýi - maýsymaralyq qubylys. ıAǵnı, jyl saıyn jaz mezgilinde jemis-jıdek pen kókónister kóbeıip, jumyrtqaǵa suranys azaıǵandyqtan baǵa arzandaıdy. Kúz ben qysta suranys kóbeıgende, baǵa óz qalpyna keledi.
«Mamyr-tamyz aılarynda qyrkúıek-sáýir aralyǵymen salystyrǵanda, halyq eki ese az jumyrtqa satyp alady. Muny jemis-jıdek pen kókónistiń kóbeıýimen, kanıkýl, demalystarmen túsindirýge bolady. Naryqtyq ekonomıkanyń zańyna sáıkes, óndirýshiler jazda jumyrtqany arzandatylǵan baǵamen satýǵa májbúr. Tipti, biraz shyǵynǵa da ushyraıdy. Kúzde suranys kóbeıgen soń, álbette baǵa óz qalpyna keledi. Biraq, halyq baǵanyń ósýine ǵana mán beredi, arzan baǵamen satylǵanyn umytyp ketedi», - deıdi Maksım Bojko.
Qaýymdastyq basshysy keltirgen derekterge sáıkes, qazaqstandyq óndirýshiler taýyq jumyrtqasyna degen memleket suranysyn 100% qamtamasyz etip otyr jáne kórshiles elderge taýar eksporttaýdy bastady.
«Sońǵy tórt jylda eksport kólemi jyl saıyn eki esege artyp keledi. 2017 jyly 280 mln jumyrtqa eksporttaldy. Onyń 155 mıllıony - Aýǵanstanǵa, 47 mıllıony - Reseıge jiberildi. 2018 jyldyń 9 aıynda 485 mln jumyrtqa eksporttaldy (Aýǵanstanǵa - 247 mln, Reseıge - 212 mln). Otandyq óndirýshiler Qytaı naryǵyna da shyǵýǵa daıyn. Bul úshin Qytaıǵa taýyq ónimderin eksporttaýǵa ruqsat berilýi kerek», - deıdi M. Bojko.
Aıta keteıik, QR Jumyrtqa óndirýshiler qaýymdastyǵynyń prezıdenti Maksım Bojko qus ónimderin tańdaý boıynsha birqatar keńes berdi jáne otandyq ónimderdiń sapaly jáne 100% qaýipsiz ekenin jetkizdi.
Eske sala ketsek, 2018 jyldyń maýsym aıynda QR AShM qus tumaýy tirkelgen Reseıdiń 36 qus fabrıkasynyń ónimin ákelýge tyıym salǵan edi. Qazan aıynda bul tyıym taǵy uzartyldy.
Maksım Bojkonyń aıtýynsha, Qazaqstannyń qus fabrıkalarynda qus tumaýy tirkelgen joq.