Qazaqstanda jumyrtqa baǵasy arzandady
Qazaqstannyń jumyrtqa óndirýshileri qaýymdastyǵy qus fabrıkalary ýákiletti memlekettik organdarmen birlesip áleýmettik mańyzy bar azyq-túlik taýarlary baǵasynyń ósýine jol bermeý maqsatynda birqatar kezdesýler ótkizip, onyń barysynda otandyq taýyq jumyrtqasynyń baǵasyn tómendetý týraly kelisimge qol jetkizilgenin habarlaıdy.
2021 jyldyń qarasha aıynda qus fabrıkalarynda S1 sanatty jumyrtqanyń kóterme baǵasy on úshin 370 teńgege jetti. Qazirgi ýaqytta S1 sanatyndaǵy jumyrtqanyń kóterme baǵasy onyna 320 teńgege (bólshek oramdy qospaǵanda) tómendetildi. Qus fabrıkalary jumyrtqany tómendetilgen baǵamen satýdy jeltoqsannyń birinshi onkúndiginde bastady jáne qazirgi ýaqytta bul baǵa Qazaqstannyń barlyq óńirlerinde qoldanysta.
Azyqtyq komponentterge (bıdaı, arpa, kúnbaǵys kúnjara jáne ósimdik maıy) baǵanyń 50-den 100% - ǵa deıin ósýine jáne jumyrtqanyń óndiristik ózindik qunynyń ósýine qaramastan, qus fabrıkalary qus basyn ósirý esebinen ótkizý baǵasyn tómendetý boıynsha sharalar qabyldaıdy. Qazirgi ýaqytta aýyl sharýashylyǵy mınıstrligi ónim qunyn arzandatý jáne el halqynyń ishki qajettiligin qamtamasyz etý maqsatynda otandyq qus fabrıkalaryn qoldaý boıynsha birqatar sharalar ázirleýde.
