Qazaqstanda jumyssyzdyq deńgeıi Frantsııa, Fınlıandııadan da tómen be
ASTANA. KAZINFORM — Qazaqstanda resmı derek boıynsha jumyssyzdyq kórsetkishi 5 paıyzǵa jetpeıdi.
Ortalyq kommýnıkatsııalar qyzmeti alańynda «Halyqty jumyspen qamtý» taqyrybynda ótken baspasóz máslıhatynda kelesi suraq qoıyldy: Nelikten Fınlıandııa nemese Frantsııada jumyssyzdyq deńgeıi 8 paıyzdan joǵary, al bizde 4,6 paıyz? Bul elderde memlekettik organdar nashar jumys isteı me, álde bizde esepteý ádisi basqa ma?
— Iá, rasymen ótken jyldyń qorytyndysy boıynsha jumyssyzdyq deńgeıi 4,6% qurady. Bul kórsetkishke bizdiń mınıstrlik, óńir ákimdikteri men ınvestıtsııalyq jobalardy júzege asyrýdyń arqasynda qol jetkizildi. Bul maqsatta 6 baǵyt boıynsha sharalar bar, — dep jaýap berdi Eńbek jáne halyqty áleýmettik qorǵaý vıtse-mınıstri Asqar Bıahmetov.
Vıtse-mınıstrdiń málimdeýinshe, byltyr el aýmaǵynda 979 myń azamat jumyspen qamtyldy, onyń ishinde 714 myń adam turaqty jumys tapty.
Sondaı-aq eldegi jumyssyzdyq kórsetkishine qatysty mınıstrlikke qarasty Halyqty jumyspen qamtý departamentiniń dırektory Azız Ibragımov oıyn ortaǵa saldy. Onyń aıtýynsha, resmı jumyssyzdyqqa qatysty esepti Ulttyq statıstıka bıýrosy júrgizedi.
— Tirkelgen jumyssyzdyq degen uǵym bar, ıaǵnı adamdar jumyssyz retinde tirkelip, odan ári kómekke júginedi, sondaı-aq tirkelmegen jumyssyzdyq bar, ıaǵnı jumyssyz retinde tirkelmegen. Sondyqtan bul másele memlekettiń jumyssyzdyq esebine qatysty qoldanatyn ádistemesimen baılanysty, — deıdi ol.
Buǵan deıin habarlaǵanymyzdaı byltyr elimizde 714 myń adam turaqty jumyspen qamtyldy.
Aıta ketsek, 2031 jylǵa qaraı elimizde 1,6 mln kadr qajet.