Qazaqstanda jumys isteıtin qytaılyqtar sany 20 paıyz artqan

ASTANA. KAZINFORM – Finprom.kz resýrsynyń málimeti boıynsha, elimizdiń astanasy men Shyǵys Qazaqstan, Abaı oblystarynan jumys izdep shetelge ketýshiler artqan.

1 naýryzdaǵy jaǵdaı boıynsha sheteldikterdiń kúshin paıdalanatyn jumys berýshilerdiń sany 1,6 myńǵa jetken. Atalǵan kásiporyndarda 459 myń Qazaqstan azamaty (99,5%), 13,1 myń sheteldik eńbek etip jatyr.

Sheteldik jumysshylardyń ishinde basshy jáne basshynyń orynbasary bolyp eńbek etip júrgenderdiń sany bir jylda 0,4% artyp, 567 adamǵa jetken. Al qurylymdyq bólimshelerdegi jetekshilerdiń sany 10,4% azaıyp, 2,7 myń adamǵa túsken.

Elde 5,8 myń sheteldik maman jumys istep júr. Bul bir jyl burynǵy kórsetkishten 19,8% az. Qazaqstanda jumys istep júrgenderdiń kóbi Qytaı azamattary – 4,1 myń adam. Bul byltyrǵydan 20,8% paıyz artyq. Odan keıin Úndistan (1,2 myń adam), Túrkııa (1,1 myń adam) jáne Ózbekstan (908 adam) azamattary bar.

Materıalda sheteldik jumys kúshi kóbinese qurylys salasynda jıi paıdalanylatynyn aıtylǵan.

«Elden 548 adam jumys izdep ketken. Bul byltyrǵydan 25,6% az. Jumys izdep syrtqa ketýshiler kóbinese Astanadan (256 adam), Shyǵys Qazaqstan (58 adam) jáne Abaı oblystarynan (42 adam) shyǵady», - delingen saraptamada.