Qazaqstanda jumys berýshiler qyzmetkerlerine kıberqaýipsizdikti oqytýǵa mindetteledi
ASTANA. KAZINFORM – Qazaqstanda jumys berýshiler qyzmetkerlerdi kıberqaýipsizdik pen kıbermádenıet talaptaryna oqytýdy uıymdastyrýǵa mindetteledi. Bul týraly Ortalyq kommýnıkatsııalar qyzmetinde ótken brıfıngte QR Jasandy ıntellekt jáne tsıfrlyq damý vıtse-mınıstri Dosjan Musalıev málim etti.
Onyń aıtýynsha, mundaı talap alǵash ret Eńbek kodeksinde bekitildi.
— Eńbek kodeksine alǵash ret jumys berýshiler men qyzmetkerlerdiń kıberqaýipsizdik jáne kıbermádenıet talaptaryn saqtaý mindetteri engizildi. Bul árbir qyzmetkerdiń tsıfrlyq qaýipsizdigin qorǵaýǵa qajetti bazalyq bilim men daǵdyny meńgerýine, sondaı-aq aqparattyq júıeler men qyzmettik derekterdi qaýipsiz paıdalanýǵa baǵyttalǵan, — dedi vıtse-mınıstr.
Jańa normaǵa sáıkes, jumys berýshiler kıberqaýipsizdikke qatysty ishki qaǵıdalar nemese reglamentterdi bekitip, qyzmetkerlerdi oqytýdy uıymdastyrýǵa tıis.
Onyń aıtýynsha, kıberqaýipsizdik pen kıbermádenıetke qatysty ádistemelik usynymdar Aqparattyq qaýipsizdik komıtetiniń resmı saıtynda jáne elektrondyq úkimet portalynyń «Kómek» bóliminde jarııalanǵan.
Eske salaıyq, buǵan deıin Úkimet eldegi kıberqaýipsizdik talaptaryn kúsheıtýge baǵyttalǵan ózgerister engizgen edi.
