Qazaqstanda juma kúni aýa raıy ashyq bolady
ASTANA. QazAqparat - Qazaqstannyń basym bóliginde búgin kún ashyq bolady, eldiń batysynda, soltústik-batysynda, soltústiginde ǵana atmosferalyq aǵyndardyń ótýimen aýa raıynyń turaqsyz sıpaty saqtalady, keı jerlerde kún kúrkirep, ótkinshi jańbyr jaýady, jel kúsheıedi, keıbir aýdandarda tuman túsýi kútiledi, dep habarlady «Qazgıdromet» RMK.
Jambyl, Ońtústik Qazaqstan, kúndiz Mańǵystaý, Atyraý, Aqtóbe oblystarynda jeldiń kúshi 15-20 m/s-qa jetedi. Qostanaı oblysynda túnde jáne tańerteń tuman túsýi kútiledi, tańerteń jáne kúndiz jel 15-20 m/s-qa deıin kúsheıedi. Shyǵys Qazaqstan oblysynda túnde jáne tańerteń keı jerlerde tuman túsedi. Batys Qazaqstan, kúndiz Qyzylorda oblystarynda jeldiń ekpini 15-20 m/s-qa deıin kúsheıip, shańdy daýyl kóteriledi. Kúndiz Aqtóbe oblysynda, Batys Qazaqstan, Qostanaı, Mańǵystaý oblystarynyń keı jerlerinde kúshti ystyq bolady. Atyraý oblysynda kún qatty ysyp, keı jerlerde aptap ystyq bolady.
