Qazaqstanda juqpaly aýrýlarǵa qarsy dárilerdiń rezervi ázirlenedi

NUR-SULTAN. QazAqparat – Senat qabyrǵasynda «Bıologııalyq qaýipszidik týraly» zań jobasyn tanystyrǵan QR Densaýlyq saqtaý mınıstri Ajar Ǵınııat elde juqpaly aýrýlarǵa qarsy dárilerdiń rezervi ázirlenetinin aıtty, dep habarlaıdy QazAqparat tilshisi.

Senatorlardyń saýalyna jaýap bergen mınıstr koronavırýs pandemııasynan qaýiptiń barlyq múmkin túrlerine daıyn bolýymyz kerek degen sabaq alǵandaryn jetkizdi.

«Zań jobasynda barlyq múddeli memlekettik organdar birlesip, qandaı da bir bıologııalyq qater bolǵanda jumylyp sharalar qoldanýy kerektigi barlyq normalarǵa engizildi. Sonyń ishinde siz aıtyp ketken pandemııaǵa baılanysty, aıtsam, juqpaly aýrýlardyń alý jóninde birinshi boljaý barlyq dúnıejúzinde bolyp jatqan jaǵdaılardy nemese Dúnıejúzilik densaýlyq saqtaý uıymy arqyly qandaı ınfektsııalyq aýrýlardyń órship jatqany týraly bilip otyrý, olardy anyqtap, modeldeý, boljaý bizdiń elimizde qalaı ótetini jóninde stsenarıı jasalady», - dedi vedomstvo basshysy.

Aıtýynsha, mınıstrlik bul turǵyda jergilikti organdardyń bıolgııalyq qaýip-qaterge ázirligin pysyqtap otyrady.

«Aldyn alý sharalary júrgiziledi, onyń ishinde vaktsıanatsııa da bar. Qazir dárilik zattardyń rezervin qalyptastyrý júrip jatyr. Biz qajetti dáriniń kim shyǵaratynynan táýeldi bolmaýymyz kerek. Jergilikti kadrlar rezervin daıyndaý da mańyzdy. Zań jobasynda búkil osyndaı sharalar qarastyrylǵan. Zerthanalyq zertteýler, zamanaýı tehnologııalardy satyp alý, dıagnostıkalyq qondyrǵylardyń bolýy jáne ǵylymı zertteýler júrgizý – osynyń bári zań jobasynda qarastyrylǵan. Bul qujatty qabyldaý pandemııadan alǵan sabaqtardan qorytyndy shyǵarýǵa jol ashady», - dedi Ajar Ǵınııat.

Aıta keteıik, búgin Senattyń jalpy otyrysynda «Qazaqstan Respýblıkasynyń bıologııalyq qaýipsizdigi týraly» Qazaqstan Zańy qabyldandy.