Qazaqstanda júk tasymaldaıtyn kólikterdiń 70% Eýro-4 jáne Eýro-5 standarttaryna saı
ASTANA. QazAqparat - Qazaqstanda Eýro-4 jáne Eýro-5 standarttaryna jaýap beretin avtomobılderdiń úlestik salmaǵy 70%-ke jetti, dep habarlaıdy QazAqparat tilshisi «KAZLOGISTICS» Qazaqstan kólik odaǵyna silteme jasap.
Kompanııanyń baspasóz qyzmetiniń málimdeýinshe, odaq byltyr «Atameken» UKP, «QTJ» jáne salalyq qaýymdastyqtarmen yntymaqtastyqta kólik-logıstıka salasynyń damýyna kedergi bolyp otyrǵan tosqaýyldardy joıý boıynsha qyrýar jumys atqarǵan. Atap aıtqanda, otandyq júkterdi tasymaldaý úshin Qazaqstan vagondaryn paıdalaný kórsetkishin 90%-ke deıin jetkizý boıynsha sharalar qarastyrylǵan.
«Avtokólik salasynda aıtarlyqtaı nátıjege qol jetkizildi. Qoldanystaǵy kóliktiń ishindegi Eýro-4 jáne Eýro-5 standarttaryna jaýap beretin avtomobılderdiń úlesi 2015 jyly 48,3% bolsa, qazir 70%-ke jetip otyr», - deıdi kompanııa baspasóz qyzmetiniń ókilderi.
Buryn «KAZLOGISTICS» Qazaqstan kólik odaǵynyń bas dırektory Qanat Álmaǵambetov avtomobıl kóligi byltyrǵymen salystyrǵanda, 50% artyq tranzıttik júkterdi tasymaldaǵanyn aıtqan bolatyn.
