Qazaqstanda júk aınalymy 7,9% ósti
ASTANA. QazAqparat - Qazaqstanda 2018 jyldyń qańtar-qarasha aılarynda júk aınalymynyń kólemi 542,366 mlrd tonna-kılometrdi qurady. Bul 2017 jyldyń osy kezeńimen salystyrǵanda 7,9% artyq, dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.
Esepti kezeńde temirjol kóligindegi júk aınalymy kólemi 8,7% artqan. Júk tasymaldaý kólemi 3,703 mlrd tonnaǵa jetti (bul 2017 jyldyń osy kezeńinen 5,2% artyq).
Bıyl qańtardan qarashaǵa deıin jolaýshy aınalymy kólemi 257,181 mlrd jolaýshy-kılometrdi quraǵan (+3,3%). Avtomobıl kóligin paıdalanǵan jolaýshylar aǵyny 2,7%, temirjol kóliginde 2,8% artqan. Jalpy, 20,956 mlrd jolaýshy tasymaldanǵan (+1,6%).
