Qazaqstanda JTN qoldanýǵa kóshý 2012 jylǵa aýystyryldy
ASTANA. Mamyrdyń 20-y. QazAqparat - Qazaqstanda JSN qoldanýǵa kóshý 2012 jylǵa aýystyryldy, dep habarlaıdy QR Qarjy mınıstrligi Salyq komıtetiniń baspasóz ortalyǵy.
«Sáýirdiń 28-i kúni QR Premer-Mınıstri K.Másimov júrgizgen keńestiń qorytyndysy boıynsha, «Halyqtyń jeke tirkeý nómirleri týraly» QR Zańymen bekitilgen jeke sáıkestendirý nómirin (IIN/BIN) qoldanýy merzimi 2010 jylǵy tamyzdyń 13-inen 2012 jylǵy qańtardyń 1-ine aýystyryldy.
QR «Halyqtyń jeke tirkeý nómirleri týraly» Zańyna sáıkes JSN 1997 jyly jeke kýálik alǵan barlyq azamattarǵa berilýi tıis. Qaıta qujattandyrý 2007 jyly tamyzdyń 13-inen bastalǵan jáne 2010 jylǵy tamyzdyń 13-inde aıaqtalýy kerek bolǵan. Osy ýaqyt ótkennen soń JSN joq jeke kýálik jaramsyz bolyp eseptelinetin.
Jeke kod áleýmettik jeke kodty (ÁJK) jáne salyq tóleýshiniń jeke tirkeý kodyn aýystyrady.
