Qazaqstanda JRVI jáne tumaýdyń 400-ge jýyq oqıǵasy tirkelgen - ótken jyldyń sáıkes kezeńindegi kórsetkishten 1,7 esege tómen
ASTANA. 17 qańtar. QazAqparat - QR Densaýlyq saqtaý mınıstrligi tumaýdyń jáne basqa da juqpaly respıratorlyq vırýstyq ınfektsııalardyń (JRVI) aldyn alý boıynsha keshendi jumys júrgizýdi jalǵastyrýda, dep habarlady vedomstvonyń baspasóz qyzmeti.
Búgingi tańda JRVI jáne tumaýdyń 394 269 oqıǵasy tirkelgen, bul ótken jyldyń sáıkes kezeńindegi kórsetkishten (2010 jyly - 695 661 jaǵdaı) 1,7 esege tómen.
Syrqattanýshylyqtyń kóterilýi Batys Qazaqstan, Shyǵys Qazaqstan, Pavlodar, Qaraǵandy, Qostanaı jáne Soltústik Qazaqstan oblystarynda, Astana men Almaty qalalarynda tirkelgen.
Naýqastardyń negizgi úlesi týǵannan bastap 14 jasqa deıingi balalarǵa tıesili, olardyń úles salmaǵy 69,8%-dy quraıdy.
Aǵymdaǵy epıdemııalyq maýsymda tumaýdyń 21 jaǵdaıy tirkeldi (Astana qalasynda - 15, Shyǵys Qazaqstan oblysynda - 3, Soltústik Qazaqstan oblysynda - 2 jáne Qyzylorda oblysynda 1 jaǵdaı).
Tumaýǵa qarsy 848 067 adam egildi, vaktsınadan keıingi asqynýlar anyqtalǵan joq. JRVI jáne tumaýdan bolǵan ólim-jitim jaǵdaıy tirkelgen joq.
«Astana jáne Almaty qalalarynda 2011 jylǵy 7-qysqy Azııa oıyndaryna qatysýshylarǵa medıtsınalyq qyzmet kórsetýdi uıymdastyrý jáne baqylaý jónindegi jospardy bekitý týraly» QR Densaýlyq saqtaý mınıstrliginiń buıryǵy shyqty.
Azııa oıyndaryna qatysatyn elderdegi epıdemıologııalyq jaǵdaıdyń turaqty monıtorıngi júrgiziledi.
Azııa oıyndaryna qatysýshylarynyń is-shara júrgizý jáne turý oryndarynda jedel kezek kúttirmeıtin medıtsınalyq kómek kórsetý brıgadalarynyń jáne medıtsına qyzmetkerleriniń táýlik boıǵy kezekshiligin júrgizý úshin medıtsına pýnktteriniń jumysy uıymdastyryldy. Medıtsına pýnktteri qajetti dári-dirmektermen, medıtsınalyq jabdyqpen, qural-jabdyqpen, jıhazben jáne telefon baılanysymen qamtamasyz etildi.
Infektsııalyq aýrýhanalarda qosymsha rezervtik palatalar quryldy. Astana, Almaty qalalarynyń áýejaılary men vokzaldarynyń, qonaqúı keshenderiniń, qoǵamdyq tamaqtaný kásiporyndarynyń sanıtarlyq-gıgıenalyq jaǵdaıyna baqylaý kúsheıtildi.
Astana men Almaty qalalarynyń sanıtarlyq-epıdemıologııalyq saraptama ortalyqtary shuǵyl dıagnostıkalaýǵa arnalǵan aspaptardyń, test-júıeleriniń jáne dıagnostıkýmdardyń jetkilikti sanymen qamtamasyz etildi.
Odan basqa, medıtsınalyq kómek kórsetý úshin basqa óńirlerden qosymsha qyzmetkerler jumyldyryldy.
Áýejaılarda Azııa oıyndaryna keletin adamdardyń dene qyzýyn ólsheýge arnalǵan teplovızorlardyń qajetti sany ornatyldy.
Azııa oıyndaryna qatysýshylarǵa qyzmet kórsetetin júrgizýshilerdiń sapar aldyndaǵy medıtsınalyq tekserýden ótýi qamtamasyz etildi.
