Qazaqstanda JRVI-men aýyrý 3 paıyzǵa azaıdy - Eljan Birtanov
«Bizde epıdemıologııalyq maýsym kúzde bastalyp, kóktemge deıin jalǵasady. 2019 jylydń 3 qazany men 2020 jyldyń 25 naýryzy aralyǵyn biz arnaıy bóle qarastyrdyq jáne JRVI-diń 395 myń jaǵdaıyn tirkedik. Bul adamdardyń aýrýhanalarǵa júgingen, qıyn jaǵdaıǵa tap bolǵan kezde tirkelgenderi ǵana. Buǵan qosa, mundaı derekti statıstıkalyq qyzmet te júrgizedi. 2018-2019 jyldardaǵy dál osyndaı kezeńmen salystyrar bolsaq, JRVI-ge shaldyǵý jaǵdaılary 3 paıyzǵa tómendep otyr. Qazirgi epıdemıologııalyq maýsymda JRVI bolǵandardyń sany bir jyl burynǵy derektermen birdeı desek te bolady. Qandaı da bir órshý bolǵan jaǵdaıda jekemenshik medıtsınalyq jáne vedomstvolyq uıymdar ony tirkeıtin edi», - dedi mınıstr zakon.kz portalynyń Instagram paraqshasynda bergen suhbatynda.
Sonymen qatar ol halyqaralyq kelisimderge jáne halyqaralyq medıtsınalyq-sanıtarlyq erejelerge sáıkes árbir el, onyń ishinde Qazaqstanda epıdemıologııalyq qadaǵalaý júrgizetinin basa aıtty.