Qazaqstanda JRVI-men aýyrǵan adamdardyń negizgi úlesin balalar quraıdy
ASTANA. QazAqparat - Epıdemıologııalyq maýsymnyń basynan (2014 jylǵy 1 qazannan) beri 240 859 JRVI jaǵdaıy tirkelgen, dep habarlaıdy QR Ulttyq ekonomıka mınıstrliginiń Tutynýshylardyń quqyqtaryn qorǵaý komıteti.
«2015 jylǵy 12 qańtardaǵy jaǵdaı boıynsha respýblıkada epıdemıologııalyq maýsymnyń basynan (2014 jylǵy 1 qazannan) beri shamamen 240 859 JRVI jaǵdaıy tirkelgen, aýyrǵan adamdardyń negizgi úlesin (71%) 14 jasqa deıingi balalar quraıdy. Tumaýmen syrqattanýdyń 43 jaǵdaıy tirkeldi. 2015 jylǵy 12 qańtarda Aqtóbe, Atyraý, Manǵystaý, Soltústik Qazaqstan, Ońtústik Qazaqstan oblystarynda jáne Almaty, Astana qalasynda tumaýdyń A1, A3 jáne V vırýs aınalymy belgilendi», - delingen habarlamada.
Tumaýǵa qarsy respýblıka boıynsha barlyǵy 1 633 423 adam egildi (respýblıka halqynyń jalpy sanynyń 9,4%), onyń ishinde 14 jasqa deıingi 446 028 bala jáne 1 187 395 eresek turǵyndar. Tumaýǵa qarsy vaktsınatsııalanǵan adamdar sanynyń ótken jyldyń osyndaı kezeńimen salystyrǵanda 18,8%-ke óskeni baıqalady.
