Qazaqstanda JRVI-diń 3,5 mln jaǵdaıy tirkeldi

ASTANA. QazAqparat – Respýblıkada JRVI jáne tumaýdyń maýsymdyq ósýi baıqaldy, dep habarlaıdy QazAqparat tilshisi.

Bul týraly QR Densaýlyq saqtaý mınıstrligi Sanıtarııalyq-epıdemıologııalyq baqylaý komıteti Juqpaly aýrýlardy epıdemıologııalyq qadaǵalaý basqarmasynyń basshysy Roza Qojapova aıtty.

«Epıdemıologııalyq maýsym bastalǵan 2022 jylǵy 1 qazannan bastap JRVI-diń 3,5 mln jaǵdaıy tirkeldi, onyń ishinde 14 jasqa deıingi balalar – 2,3 mln jaǵdaı bar», - dedi R. Qojapova Ortalyq kommýnıkatsııalar qyzmetinde ótken baspasóz máslıhatynda.

Spıkerdiń aıtýynsha, ótken aptamen salystyrǵanda JRVI-men syrqattanýshylyqtyń 1,5 ese tómendeýi baıqalady.

Sonymen birge tumaýdyń 3213 jaǵdaıy tirkeldi, onyń 1299 jaǵdaı 14 jasqa deıingi balalar arasynda baıqalǵan.

«Ótken aptamen salystyrǵanda tumaý jaǵdaılarynyń sany 11 jaǵdaıǵa ósti. Epıdemııaǵa deıingi kezeńde qazan aıynda respýblıka boıynsha tumaýǵa qarsy 2,4 mln adam nemese respýblıkanyń jalpy halqynyń 12,7% egildi», - dedi Roza Qojapova.

Buǵan deıin Roza Qojapova eldegi epıdemıologııalyq jaǵdaıdy baıandaǵan edi.